Apple компаниясининг доимий таҳлилчиси Жин Мансер iPhone 7 ҳақда учта прогноз келтириб ўтди, деб маълум қилмоқда Forbes.
Мансернинг айтишича, янги iPhone даги энг биринчи ва сезиларли ўзгариш ундан Home тугмачаси олиб ташланади.

«iPhone 6s да янги 3D Touch технологиясини жорий этиш ундан Home тугмачасини олиб ташлаш учун ташланган биринчи қадам бўлди. Бу ҳолат смартфон экранидаги кўплаб бўш жой очилишига ва қурилмани ишлашини янада тезлаштиришда туртки бўлади”, — деди таҳлилчи. Бундан ташқари, Мансернинг таъкидлашича, iPhone 7 бутунлай сапфир шишалик бўлади.

унинг айтишича, ушба шишадан Apple Watch да фойдаланиш, материални синаб кўриш жараёни ҳамбўлди, энди уни бемалол iPhone 7 да ишлатиш мумкин.
Таҳлилчи, шунингдек, Apple нинг янги қурилмаси катта ҳажмга эга аккамуляторга эга бўлади. У ўз фикрига Apple нинг сўнги вақтларда MacBook аккамуляторининг ҳажмини оширганлигини мисол қилиб келтирган. Унинг айтишича, янги iPhone нинг аккамулятор сиғими худди шундай оширилади.