Фарғона вилоятида Ўзбекистон Президентининг жорий йил 7 июлдаги Республика иқтисодиёти тармоқлари ва ижтимоий соҳаларини 2015-2016 йиллар куз-қиш даврида барқарор ишлашга комплекс тайёрлашни таъминлаш чора-тадбирлари тўғрисидаги қарори ижроси доирасида ушбу мавсумга қизғин тараддуд кўрилмоқда. Шаҳар ва туманларда ишчи гуруҳлари ташкил этилиб, тайёргарлик ишлари қатъий назорат қилиб борилмоқда.

Фарғона вилоятидаги 12 қозонхона, 25 қозон, 7,8 километр иссиқлик, 74,5 километр ичимлик суви, 11,8 километр газ, 7 минг 238 километр электр тармоқларида жорий ва мукаммал таъмирлаш ишлари тўлиқ якунига етказилган.

Марғилон шаҳри ва Қўштепа туманидаги 12 минг аҳоли хонадонларининг электр таъминотини яхшилаш мақсадида 1,4 миллиард сўм маблағ эвазига 110/6 кВтли “Жойбозор” нимстанциясини қуриш ишлари якуний паллага кирган. Вилоятда 203 минг тонна кўмир захираси яратилиши режалаштирилган бўлиб, бу борадаги ишлар давом эттирилмоқда.

48 умумтаълим мактаби, 25 мактабгача таълим муассасаси, 7 касб-ҳунар коллежи, марказий шифохона ҳамда 16 қишлоқ врачлик пунктидақишки мавсумга тайёргарлик ишлари якунига етказиляпти.

ЎзА нинг хабарига кўра, вилоятда 30километрдан ортиқ электр тармоғи мукаммал таъмирдан чиқарилмоқда.