Мексика ҳукумати шу йилнинг июнида "Эль Чапо" (Пакана) лақабли наркобарон Хоакин Гузманнинг қамоқдан қочиб кетишига алоқадор сифатида 6 киши қамоққа олингани ҳақида маълум қилди.

Қўлга олинганлар орасида жиноятчининг қариндошлари ва уни Гузманни белгиланган жойга, у туғилиб ўсган штатга элтиб қўйган вертолёт учувчиларидан бири бор.

Мексика прокурори Арели Гомеснинг айтишича, наркобароннинг адвокатларидан бири, унинг қочишини ташкил этишда гумон қилиниб, ҳибсга олинган.

Терговчиларнинг маълумотларига кўра, жиноятчининг қариндошлари унинг қочиши учун 1,5 км масофадаги туннел қазишган ва унга транспорт ҳозирлашган.

Эслатиб ўтамиз, "Эль Чапо" 12 июль куни 10 м чуқурликда қазилган туннель орқали Альтиплано қамоғидан қочиб кетганди.

"Синалоа" наркокартели раҳбари Хоакин Гусман 2014 йилнинг февралида ҳибсга олинганди. У қаттиқ назорат остида қўриқланган бўлишига қарамасдан, қамоқхона ходимларининг бир қисмини сотиб олиш орқали қочишга муваффақ бўлган.