21 октябрь куни Германияга ташриф буюрган Исроил бош вазири Биньямин Нетаньяҳу канцлер Ангела Меркель билан биргаликда Фаластин-Исроил инқирозини муҳокама қилишган. Бу ҳақда уларнинг Берлиндаги учрашувидан кейин НТВ телеканалида хабар қилинган.

Нетаньяҳу Германияга сафарини 2 ҳафтага кечиктиришга мажбур бўлди. Бунга Иордан дарёси ғарбида ва Қуддусда содир этилаётган терактлар сабаб бўлди. Фаластинликларнинг тез-тез исроилликларга ҳужум уюштириши оқибатида октябрь ойи бошидан буён 9 нафар исроиллик ҳалок бўлган, 50 нафарга яқини жароҳатланган.

Меркель бу муаммо бўйича муносабат билдирар экан, Исроил ўз фуқароларини ҳимоя қилишга ҳақли эканини, лекин Фаластин билан тинчлик сулҳи тузилиши кераклигини таъкидлаган.