Навоийда боғча мудираси йўқ шахслар номига маош ёзиб, ўзи олиб юргани аниқланди. Бу ҳақда “Ҳуқуқ” газетаси хабар бермоқда.

Айтилишича, Қизилтепа туманидаги мактабгача таълим муассасаларидан бирининг мудираси бўлган Нодир Эгамова 2012 йилгача қоровул бўлиб ишлаб, сўнг бўшаб кетган Ғани Ашуровнинг номига расмийлаштирилган маошни уч йил мобайинад ўзлаштириб келган.

Текширув асносида шу давр ичида у қарийб 7 млн сўмни ўзлаштиргани маълум бўлди.
Суд қарори билан собиқ мудира давлатга етказилган зарарни тўлиқ қоплашини кўзда тутди.