Ўзбекистонда ишлаб чиқарилган Nexia ва Gentra автомобиллари Қозоғистонда энг харидоргир машиналар ўнталигига кирди. “Автоконсалтинг.KZ” агентлигининг маълумотларига қараганда, жорий йилнинг сентябрида уларнинг рейтинги кўтарилиб, Hyundai Elantra’нинг кучли ўнталикдан сиқиб чиқарган.

Сентябрда Қозоғистонда 238 дона Nexia ва 227 дона Gentra сотилди. Шу тариқа, улар 9 ва 10-ўринларни эгаллашди.
Рейтинг бошида Lada Priora турибди (650 харид). Ундан кейинги ўринларни Hyundai Accent ва Volkswagen Polo Sedan моделлари эгаллади. Бундан ташқари, кучли ўнликка Kia Rio, Renault Duster, Renault Logan, LADA Largus, Renault Sandero ўрин олди.