Қирғизистон бюджет камомадини ёпиш учун яна Россиянинг ёрдамига мурожаат қилади. Бу ҳақда молия вазирининг ўринбосари Алмаз Бакетаев матбуот анжуманида айтиб ўтди.

Унинг сўзларига кўра, Қирғизистоннинг ЕИИга кеч қўшилиши ва импорт ҳажмининг тушиши иқтисодиётга салбий таъсир ўтказган. Шу боис бюджетнинг айрим талаблари бажарилмай қолиши мумкин. Камомадни тўлдириш учун молия вазирлиги бюджетнинг харажат қисмини қайта кўриб чиқиш ва ташқи трансферларни жалб қилиш устида ўйламоқда.

“Биз Россиядан 30 млн долларлик грант келишини кутиб турибмиз, у бюджет камомадини ёпишга хизмат қилади”, - деди Бакетаев.