2015 йилнинг 12 октябрь куни Қирғизистоннинг Қуйи Норус Чуй вилояти ҳудудидаги тергов изоляторидан қочиб кетган жиноятчиларнинг тўртинчиси ҳам ўлдирилди.

"Қочоқларнинг тўртинчиси - Олтинбек Итибаев йўқ қилинди", дейилади КирТАГ хабарида.

У Бишкек яқинида махсус хизмат ходимлари билан рўй берган отишма вақтида ўлдирилган. Ушбу амалиёт чоғида махсус хизмат вакили ва шу ҳудудда яшовчилардан бири ҳам ўққа учиб, ҳалок бўлган.

Бугун, Бишкек яқинида озодликда қолаётган икки маҳбуснинг бири, 29 ёшли Эдиль Абдрахманов йўқ қилинганди.

12 октябрга ўтар кечаси Қирғизистоннинг Чуй вилоятида жойлашган 50- сонли тергов изоляторидан 9 нафар маҳбус уч соқчини ўлдириб, қочиб кетишганди.

“Жайш ул-Маҳдий” ташкилоти аъзолари бўлган бу экстремистларнинг 5 нафари ўша куниёқ қўлга олинган кейинги 1 ҳафта давомида қолган жиноятчиларни қидириш ишлари олиб борилган.

16 октябрь куни Қирғизистон полицияси тергов изоляторидан қочиб кетган террорчи Дониёр Қодиралиевни йўқ қилганди.

20 октябрь куни эса "ўта хавфли жиноятчи" Азамат Мусуралиев ҳуқуқ-тартибот ходимлари билан отишма чоғида ўлдирилди.

15 октябрь куни Қирғизистон миллий хавфсизлик хизмати мамлакат ҳудудида қидирилаётган жиноятчиларни топишда ёрдам берганларга 300 минг сом миқдорида мукофот пули белгилагани хабар қилинганди.