Қорақалпоғистонлик дзюдочи қизлар Осиё чемпионати ғолиблари бўлишди

Спорт 22 Октябрь 2015 1208

Дзюдо бўйича ёшлар ўртасида Қирғизистонда ўтказилган Осиё кубоги мусобақасида қорақалпоғистонлик уч нафар спортчи-қиз совринли ўринларни эгаллади.

Осиёнинг кучли спортчилари ўзаро беллашган ушбу мусобақада Нукус шаҳридаги 2-тиббиёт коллежи ўқувчиси Гулнур Муратбоева 44 килограмм ва 34-умумтаълим мактаби ўқувчиси Нилуфар Ермағанбетова 52 килограмм вазн тоифасида олтин медални қўлга киритди. 1-Нукус тиббиёт коллежи ўқувчиси Гулойим Жумабоева вазни 52 килограммгача бўлган спортчилар ўртасида бронза медаль билан тақдирланди.

Гулнур Муратбоева 5-9 октябрь кунлари Таиланднинг Бангкок шаҳрида ўтказилган Осиё чемпионатида бронза медални қўлга киритган эди.

– Чемпионат муросасиз бўлди, дастлаб хитойлик, сўнг туркманистонлик спортчи устидан ғалабага эришдим, – дейди Г.Муратбоева. – Ўз устимда янада кўпроқ ишлаб, хато ва камчиликларимни тузатишни, Осиё чемпиони бўлишни мақсад қилганман.

Тажрибали мураббий Байрам Сатуллаев раҳбарлигида етти йилдан буён дзюдо билан шуғулланаётган Гулнур Муратбоева шу кунга қадар етти марта Ўзбекистон чемпиони, уч марта халқаро турнирлар ғолиби бўлди. Жорий йилнинг апрель ойида Россиянинг Тверь шаҳрида ўтказилган Европа очиқ кубоги мусобақасида учинчи ўринни эгаллади.

Кун янгиликлари
Абитуриент ҳикояси: “Мен ўқув маркази томонидан алдандим”
10:34 / 20.08.2017 29355 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 42165 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 158263 Жамият
Кун.uz офис изламоқда
15:48 / 06.08.2017 44894 Lifestyle
Коалиция бомбалари остида 80 нафар суриялик ҳалок бўлди
00:27 0 Жаҳон
РФПЛ. «Ростов» «Краснодар» билан дуранг ўйнади, Шомуродов захирадан майдонга тушди
00:23 12 Спорт
Ҳафта дайжести: 50 минг сўмлик пул, мактаб формаси, бепарво МИБ, қотил ушланди, кирилл-лотин машмашаси, Барселонадаги теракт...
00:16 480 Жаҳон
Бундеслига. «Боруссия» М ғалаба қозонди, «Айнтрахт» дуранг ўйнади
00:13 23 Спорт
Эрдўған Ғарбнинг Яқин Шарқдаги сиёсатини танқид остига олди
00:02 299 Жаҳон
RAMADA меҳмонхонасида Ҳинд таомлари фестивали ўтказилди
23:52 / 20.08.2017 189 Жамият
Кўпроқ янгиликлар