Экстремист ва террористларни қидириш, шунингдек, наркотик ўсимликлар етиштирилиши мумкин бўлган ҳудудларни мониторинг қилиш учун Қозоғистон сунъий йўлдошларидан фойдаланилиши мумкин. Бу ҳақда Қозоғистон Инвестициялар ва тараққиёт вазирлигининг Аэрокосмика қўмитаси раҳбари Мейрбек Молдабеков маълум қилди, дея хабар берди ИА Новости-Казахстан.
22 октябрь куни парламент мажлисида ушбу ўзгартишни ўз ичига олган қонун лойиҳаси намойиши бўлиб ўтди.
Ҳужжатга биноан, айни пайтда Қозоғистон миллий космик инфратузилмалардан фаол фойдаланиш босқичига чиққан. Жумладан, «KazSat» алоқа ва эфирга узатиш космик тизими, масофадан туриб Ерни зондлаб текшириш, юқори аниқликдаги сунъий йўлдош навигация тизими ва космик ускуналар комплексларини йиғиш ва синовдан ўтказиш ишлари олиб борилмоқда.
Қонун лойиҳасининг асосий ғояси ва мақсади мудофаа ва миллий хавфсизлик, табиий ва техноген характердаги фавқулодда ҳолатларни мониторинг қилиш ҳамда улар ҳақда огоҳлантириш, атроф-муҳит, қишлоқ хўжалиги ва бошқалар мониторингини олиб боришда космик фаолиятдан фойдаланишнинг қонуний асосларини ишлаб чиқишдан иборат экани айтилмоқда.
Алоҳида шахслар ҳам кузатилади, албатта, жуда қийин, бироқ агар террористлар ҳажми бир метрдан зиёд қандайдир воситалардан фойдаланса, бизнинг сунъий йўлдошлар уни кўради ва тасвирга олади. Уни тегишли органлар маълумотларни таҳлил қилиб, у ерда нима бўлаётганини башорат қилади”, - деди Молдабеков.