Россия бош вазири Дмитрий Медведевнинг қайд этишича, давлат ташкилотида ишлайдиганлардан ташқари барча россияликлар илгари қандай бўлса, шундай кўринишда нафақага чиқишади. Бу ҳақда ТАСС ахборот агентлиги хабар тарқатди.

Мамлакат ҳукумати раҳбарининг қайд этишича, кўриб чиқилаётган янги Қонун лойиҳаси давлат ташкилотларида ишловчиларнинг нафақага чиқиш ёшини узайтиришга қаратилган.

Ҳозирда Россияда нафақага чиқиш ёши аёллар учун 55, эркаклар учун – 60 ёшни ташкил қилади. Давлат хизматчилари учун нафақага чиқиш ёши 65 ёшгача узайтирилиши кутилмоқда.

Ҳукумат комиссияси кўриб чиқаётган қарорда 65 ёшда нафақага чиқадиган давлат хизматчиси давлат ташкилотида 15 ёки 20 йиллик иш стажига эга бўлиши масаласи ҳам қўйилган.