«Toshkent IEM» акционерлик жамияти 2015 йилнинг 7 ноябридан бошлаб истеъмолчиларга тақдим этилаётган иссиқлик қуввати учун тарифлар ўзгартирилишини маълум қилди.
Унга биноан, I гуруҳлар учун фойдаланилган 1 Гкал энергия учун тариф ҚҚС билан ҳисобланганда 52586 сўмни ташкил этади.

II гуруҳлар учун эса 1 Гкал энергия 39254 сўмдан (ҚҚС билан ҳисобланганда) иборат бўлади. Янги қарор кучга кириши муносабати билан 2015 йил 15 майдаги №19-03-22-05-О'zR-44-2015 реестри ўз кучини йўқотади.
Эслатиб ўтамиз, Тошкент шаҳар ҳокими жорий йилнинг 21 октябрь куни “Тошкент шаҳрида 2015-2016 йилги иситиш мавсумига тайёргарлик кўриш ва иссиқлик энергияси билан таъминлаш тўғрисида”ги 910-сонли қарорини имзоланган эди.

Унга кўра, 2015 йил 22 октябрдан бошлаб ижтимоий соҳа объектларида синов тариқасида иситишга, турар жой бинолари эса 23 октябрдан мунтазам иситилишга киришилади.

Мазкур тарифлар улгуржи истеъмолчилар томонидан истеъмол қилинган 1 Гкал иссиқлик энергиясига оид.

Манба: gazeta.uz