22 октябрь куни ЕЧЛнинг гуруҳ босқичида 3-тур ўйинлари якунланди.

Бу мавсумда Н гуруҳида иштирок этаётган Санкт-Петербургнинг "Зенит" жамоаси турнирда ҳозирча очко йўқотмаган ягона жамоа бўлиб турибди.

3-тур арафасида бундай жамоалар сони 6та эди. 21-22 октябрь кунлари бўлиб ўтган ўйинларда «Бавария», «Ювентус», «Реал», «ПСЖ» ва «Бенфика» ўз ўйинларида очко йўқотишди.

"Зенит" эса учинчи турда "Лион"ни қабул қилиб, 3:1 ҳисобидаги ғалабага эришди. Жамоа айни вақтда ўз гуруҳида 9 очко билан яккапешқадам бўлиб олган.