Жанубий Кореянинг Kia Motors машинасоз компаниясининг 2015 йил 3-чорагидаги сой даромади ўтган йилнинг шу даврига нисбатан 16.3 фоизга тушиб кетди. Ўтган йили бу кўрсаткич 657 млрд вонани (581 млн доллар) ташкил қилган бўлса, эндиликда 550 млрд вонага (487 млн доллар) тушиб кетди.

Компаниянинг ҳисоботида таъкидланишича, 9 ойлик даромад 14 фоизга қисқариб, 2.19 трлн вонани (1.94 млрд доллар) ташкил қилган.
Шу билан бирга, операцион даромад 19.6 фоизга ошиб, 678 млрд вонани (600 млн доллар) ташкил қилган.