АҚШ ҳукумати Сурия ҳукумат қўшинларининг курдлар билан бирлашиб ИШИДга қарши курашишига қарши чиқди. Бу ҳақда Давлат Департаментининг расмий вакили Марк Тонер маълумот берди.
“Биз ҳар доим айтиб келганмиз, бизнинг фикримизча, Суриядаги режимга ишониб бўлмайди ва у ИШИДга қарши ҳеч қандай коалицияларда иштирок эта олмайди”, - таъкидлади у.
Шунингдек, Тонер Россия президенти Владимир Путиннинг суриялик ҳамкасби Башар Асад билан учрашувига муносабат билдирар экан, Путин Асадга бўлган таъсиридан фойдаланиб уни халққа қаттиққўл муносабатда бўлмасликда кўндирганига умид билдирди.