Араб давлатлари БМТ ХКдан Фаластинни халқаро ҳимоя остига олишни сўради

Жаҳон 23 Октябрь 2015 1891

Араб давлатлари БМТ Хавфсизлик кенгашидан Фаластинни Исроил оккупациясидан ҳимоя қилишга қаратилган чораларни кўришни сўради.
Хавфсизлик кенгашидаги дебатларда сўзга чиққан Араб давлатлари лигаси бош котиби Набил ал-Арабий Фаластин фуқаролари ҳаётининг халқаро ҳимоя остига олиниши ўта муҳим эканини таъкидлаб ўтди.

“Бу биз қатъий талаб қилаётган тинчликнинг ўрнатилиши учун қулай муҳит яратилишига хизмат қилади”, - деди у.
У БМТнинг 21 октябрдаги 1920 йилдан 1935 йилгача Миллатлар лигаси бошқаруви остида бўлган Саар ҳавзасидан бошланган ҳудудларда халқаро кучларни жойлаштиришнинг барча вариантларидан фойдаланишни кўзда тутган ҳисоботини илиқ қарши олди. Набил ал-Арабийнинг фикрича, мазкур ҳужжат ҳеч қандай тавсияларни ўз ичига олмасдан, Исроил томонидан зўрлик билан босиб олинган ҳудудларда халқаро кучлар иштирокида фаластинликлар ҳимоясини таъминлайди.

Қуддус шаҳри мақомини қўллаб-қувватлаш учун эҳтимолий қадамларни белгилаш тўғрисида сўз юритар экан, у мазкур вазифани 1940- йиллар сўнгидан буён мавжуд бўлган Тинчлик шартларининг бажарилиши учун кузатув олиб бориш бўйича БМТ ташкилоти зиммасига юклашни таклиф қилди.

“Мазкур тузилма ҳозир ҳам мавжуд бўлиб, у ўз вазифаларини кенгайтириш ва уларнинг Қуддусда амал қилинишида муҳим ролни бажариш ҳолатида”, - деди АДЛ бош котиби.
Хавфсизлик кенгашида фаластинликлар ҳаётини ҳимоя қилиш ва Исроил тажовузкорлигига барҳам бериш бўйича зудлик билан чоралар кўриш чақириғи билан бошқа бир қатор араб давлатлари ҳам чиқиш қилди.

Кўпроқ янгиликлар