Бирлашган араб амирликларининг Дубай шаҳрида машҳур соатсоз уста Кристоф Кларет (Cristophe Claret)нинг "люкс" тоифасидаги қимматбаҳо соатлари намойишга қўйилди.

Таъкидлаш керакки, бу айниқса мусулмонлар учун жуда ажойиб янгилик. Миниатюра кўринишидаги 3D Каъба соат циферблатининг марказига ўрнаштирилган ва у 28 та қимматбаҳо тошлар билан безатилган. Қора тош (Хажар ал-Асвад) 7 рақами устидан жой олган ва реалликка анча яқин.

Муаллиф ҳар бир деталга алоҳида ёндошишга ҳаракат қилган ва бу ёндошув соатнинг қимматини оширган. Тасма тимсоҳ терисидан ишланган. Шунингдек, унга ўрнатилган махсус компас воситасида соат эгаси, қаерда бўлишидан қатъий назар, ибодат учун қиблани ҳеч қийналмай топа олади.

Ўз навбатида соатнинг орқа томони ҳам “ижодий назар”дан четда қолмаган. У ерда дунёнинг айланувчан харитаси, марказда Муқаддас Каъба ва уни тавоф қилиб, айланаётган зиёратчилар тасвири акс эттирилган. Бир сўз билан айтган антиқа соатлар коллекционерлари ва мусулмонларнинг қизиқишларини уйғотаётган мазкур қимматбаҳо соатнинг нархи ҳақида маълумотлар йўқ.

Манба: muxlis.uz