Россиянинг Париждаги элчихонаси айни вақтда бугун Бордо шаҳри яқинида рўй берган ҳалокатли йўл транспорт ҳодисаси туфайли жабрланганлар орасида Россия фуқаролари бўлиши мумкинлиги ҳақидаги эҳтимолни кўриб чиқмоқда.

"Биз Франция ИИВдан тегишли сўровимизга жавоб кутаяпмиз. Ҳозирча ҳеч қандай аниқ маълумот берилмади", дейилади элчихона хабарида.

Эслатиб ўтамиз, 23 октябрь куни тонгида Франциянинг жануби-ғарбидаги Аквитания вилояти, Жиронда департаментининг Пюиссиген шаҳрида ҳалокатли йўл транспорт ҳодисаси рўй берди.

Бу ҳодиса экскурсияга кетаётган пенсионерлар минган автобус юк машинаси билан тўқнашиши ва ёниб кетиши натижасида рўй берган. Фожиа қурбонлари сони 49 нафарни ташкил этган, яна 8 киши автобусдан чиқишга ҳамда ёнғиндан қутулиб қолишга улгурган.