"Ювентус" жамоаси раҳбарияти Павел Недведни жамоанинг қице-президенти этиб тайинлашга қарор қилишди. Бу ҳақда жамоа расмий сайти хабар тарқатди.

Бунгача 43 ёшли Недвед жамоада спорт директори сифатида фаолият кўрсатиб келаётганди.

"Ювентус" жамоаси президенти Андреа Аньеллининг қайд этишича, Нндвед кейинги 5 йиллик фаолияти давомида жамоа ривожи учун кўп иш қилди ваянги вазифасида ҳам масъулият билан ишлай олади.

"Менинг жамоадаги ишимда кўп нарса ўзгармайди. Мен аввалгидек футболчилар ва мураббийлар билан ҳамкорликда ишлашни давом эттираман. Ҳар куни улар билан футбол майдонида учрашиб, гаплашаман. Майдонда ўзимни жуда қулай ҳис қиламан", дейди Недвед.

Ушбу чехиялик собиқ футболчи ўз фаолиятининг асосий қисмини айнан "Ювенус"да ўтказган. У 2001 йилда жамоа сафига келиб қўшилиб, футболчиликни тугатгани 2009 йилгача шу жамоа аъзоси бўлиб қолганди. У 2003 йилда "Олтин тўп" соҳибига айланганди.

Маълумот учун, Недвед Чехия терма жамоаси сафида 91 марта ўйин ўтказиб, 18та гол урган.