21 октябрь куни Польшанинг ўзи ағдарувчи юк автомобилларини ишлаб чиқаришга ихтисослашган «KH-KIPPER» компанияси вакиллари Ўзбекистонга ташриф буюришди.

Ушбу ташриф давомида компания вакиллари Самарқандда ташкил этилган «Ўзавтотрейлер» МЧЖ корхонасида бўлиб, унинг фаолияти билан яқиндан танишишди.

Ташрифдан кўзланган асосий мақсад ўзаро тажриба алмашиш ва ҳамкорликни йўлга қўйишдан иборат.

1997 йилдан буён фаолият юритиб келаётган KH-KIPPER компанияси ўтган давр мобайнида сифатли ва қулай ўзи ағдарувчи юк автомобиллари ишлаб чиқариш бўйича Европа бозорларида ўзининг муносиб ўрнига эга ҳисобланади.

Компания маҳсулотларининг сифати, мукаммал тузилиши ва хавфсиз ишлаши кўп йиллик мижозлар томонидан эътироф этилган.