«Манчестер Юнайтед» жамоасининг германиялик футболчиси Бастиан Швайнштайгер Гонгконгдаги қўғирчоқ ишлаб чиқарувчи компанияни судга берди. Бу компания фашист аскари Швайнштайгернинг кўринишини ўзида умумлаштирган қўғирчоқ ишлаб чиқаришни йўлга қўйгани бунга сабаб бўлган. Бу ҳақда Guardian нашри хаба берди.

Хабарда айтилишича, футболчининг адвокатлари 30 сантиметрлик бу қўғирчоқнинг савдо расталаридан олиб ташланишига эришишмоқчи.

Ўз навбатида ишлаб чиқарувчи компания (Dragon in Dream) бу маҳсулоти яратилишига 31 ёшли футболчи прототип сифатида танланмагани, ўхшашликлар тасодиф эканини таъкидламоқда.

Уларнинг қайд этишларича қўғичоққа берилган Бастиан Германияга хос, немислар томонидан қўйиладиган ва кўп учрайдиган исмдир.

"Биз немисларни шундай кўринишда тасаввур қиламиз", дейди компания директори Патрик Чан.

Қайд этилишича, бу компания бундан олдин Биринчи Жаҳон уруши даври аскари, Иосиф Сталин ҳамда Жеймс Бонд кўринишидаги қўғирчоқларни ҳам ишлаб чиқарганди.

Бундан олдинроқ, Хитойда ташқи кўриниши "Манчестер Юнайтед"нинг германиялик яримҳимоячиси Бастиан Швайнштайгердан нусха олинган қўғирчоқ солдатлар ишлаб чиқарила бошлагани, бу эса футболчини ҳақоратлаш сифатида баҳоланаётгани хабар қилинганди.