Суриянинг Хама провинциясида ИШИД автоколоннасига берилган зарбалар натижасида 45 нафар террорчи йўқ қилинди, дея хабар қилди РИА “Новости” агентлиги Сурия қуролли кучлари вакили Али Майхуба маълумотига асосланган ҳолда.

“Қуролли кучларимиз ҳарбий амалиётлар ўтказилаётган турли ҳудудларда ҲҲК ёрдамида марраларга муваффақиятли зарбалар берган ҳолда ўз ҳаракатини давом эттирмоқда. Хама провинциясидаги Умм Хадиж шаҳарчасида ИШИД колоннасига зарбалар берилди. 23та турли автомобиль ва 45 жангари йўқ қилинди”, - деди у.

Бундан аввалроқ эса Россия Мудофаа вазирлиги вакили Игорь Конашенков Россия авиацияси Салма шаҳрида жангарилар базасини йўқ қилгани тўғрисида хабар берган эди. Генерал-майорнинг разведка маълумотларига асосланиб хабар беришича, мазкур базада чет эллик инструкторлар қўпорувчилик урушини олиб борадиган ИШИД террористларини тайёрлаган.