2015 йилнинг январь-сентябрь ойлари оралиғида океан усти ҳамда қуруқликдаги ўртача ҳаво ҳарорати 136 йил ичидаги энг юқори кўрсаткични қайд этди.

Бутунжаҳон метеорология ташкилотининг маълумотига кўра, ҳаво ҳарорати аввалги кўрсаткичлардан 0,85 даража юқори бўлган. Бу 1880-2015 йиллардаги январь-сентябрь ойларида энг юқори ҳарорат.

Шунингдек, жорий йилнинг сентябрь ойи ҳам охирги 136 йил ичидаги энг юқори даражадаги иссиқлик кўрсаткичини қайд этди.

“Рекорд даражадаги иссиқлик Жанубий Американинг асосий қисмида, Африканинг бир нечта ҳудудларида, Яқин Шарқда, Европа ҳамда Осиёда қайд этилди”, – деб хабар бермоқда метеорология ташкилот.