Нигерия шарқида жойлашган Йола шаҳридаги масжидда юз берган портлаш натижасида 27 киши ҳалок бўлди, 96 нафар киши эса жароҳатланди, деб маълум қилмоқда AFP.

Бомба худкуш томонидан ишга туширилган. Йола шаҳри Адамава штатининг маркази ҳисобланади.

Бу бир кун ичида Нигериядаги иккинчи портлашдир. Тонгда худкуш Майдагури шаҳридаги масжидда ўз-ўзини портлатиб юборган эди. Унда 28 киши ҳалок бўлагни ҳақда маълум қилинганди.

Воқеалар жавобгарлигини ҳудудда фаол ҳаракат олиб бораётган бирор-бир террорчилик ташкилоти ўз зиммасига олгани йўқ, аммо маълумотларга қараганда терактлар ортида “Боко Ҳарам” террорчилик ташкилоти турган бўлиши мумкин.