Россия ТИВ раҳбари Сергей Лавровнинг ишонч билдиришича, Сурияда парламент учун ва президентлик сайловлари ўтказилишига тайёргарлик олиб борилмоқда ва мамлакатда анъанавий сиёсий жараёнларга амал қилинади.

"Сурияда Асадга қарши бўлган "демократлар" ҳам бу вазиятни ҳис қилиб туришибди. Бу эса бизга келажакда мамлакатдаги вазиятни сиёсий йўл билан ҳал қилиш учун томонларни музокаралар столига йиғиш умидини беради", дейди Лавров.

Унинг қўшимча қилишича, Суриядаги сиёсий низога ташқаридан аралашаётган томонлар Сурия халқи номидан қарор қабул қилишга ҳақли эмаслар.

"Албатта сайловлар ўтказишга тайёрланиш керак. Парламент учун ҳам, президентлик сайловларини ҳам ўтказиш керак", дейди вазир.

Бундан ташқари у, қочқинлар муаммоси туфайли зарар кўраётган Европа ҳам Суриядаги вазиятнинг шундай йўл билан ҳал қилинишидан манфаатдор бўлиши ҳақида айтган.