Нью-Йорк биржасида Facebook акцияси нархи илк марта 100 доллардан ошди

Иқтисодиёт 24 Октябрь 2015 1453

Нью-Йорк биржасидаги савдолар чоғида Facebook компанияси акциялари илк марта 100 доллардан қимматга сотилди.

Bloomberg нашри хабарига кўра, бу ижтимоий тармоқ акцияси нархи 2015 йилнинг июлида ҳам 100 долларга кўтарилган, лекин бу нарх сақланиб турмаганди. 23 октябрь кунги савдолар вақтида компания акциялари баҳоси 2,2 фоизлик ўсишни қайд этиб, 101,88 доллардан сотилди.

Шу тариқа, 2012 йилда илк марта биржага кирган компания акциялари нархи ўтган вақт ичида 475 фоизлик ўсишга эришди. Standard & Poor's 500 рейтингида бу кўрсаткич тўртинчи яхши натижа сифатида қайд этилган.

Шунингдек, Facebook капиталлашув бўйича ҳам бошқа ҳеч қайси компания қайд этмаган натижани кўрсатган - 250 млрд доллар.

Маълумот учун, Facebook, Apple, Microsoft, Amazon ва Google компанияларининг умумий капитали Standard & Poor's 500 рейтингига кирувчи барча компанияларнинг капиталида деярли 10 фоизлик улушга эга.

Кўпроқ янгиликлар