Ўзбекистон кимё саноати ривожланишда давом этмоқда. Ўзбекистон ва Жанубий Корея ҳамкорлигида яратилаётган 4 млрд долларлик “Устюрт” газ-кимё мажмуаси 2016 йилдан ўз фаолиятини бошлаши режалаштирилмоқда. Бу мажмуада полиэтилен ва полипропилен ишлаб чиқарилади. Мажмуа қурилиши 2012 йилда бошланган эди.

Қўшма корхона Ўзбекистон учун катта фойда келтириши айтилмоқда. Корхонада полиэтилен ва полипропилендан ташқари, йилига 4,5 млрд куб метр табиий газ қайта ишланади. Полиэтилен ва полипропилен хомашёси юмшоқ пластмассадан саноат ва истеъмол маҳсулотлари олиш ва уларни МДҲ, Европа ва Шимолий Африка давлатларига экспорт қилиш имконини беради.

Ўзбекистонлик олимлар мунтазам равишда эсклюзив ва импорт маҳсулотлар ўрнини босувчи кимёвий маҳсулотлар ишлаб чиқиш устида иш олиб бормоқдалар. Бундай маҳсулотлар сирасига сувни тозаловчи таблеткалар ва автомобиль йўлларининг музлашига қарши реагентларни мисол қилиб келтириш мумкин.