Рўзиқул Бердиевга хориж жамоасида ишлаш таклифи тушган

Спорт 24 Октябрь 2015 4838

"Насаф" футбол клуби спорт директори Виталий Ни жамоа устози Рўзиқул Бердиевга хориж клубларидан таклифлар тушаётганини айтиб ўтди.

"Рўзиқул Бердиевга хориждан тушаётган таклифларга келсак, ҳа, у ўзини мураббий сифатида кўрсата оляпти. Доим унинг бошчилигида "Насаф" совринли ўринлар учун курашиб келмоқда. Бу йил Осиё Чемпионлар Лигасида қатнашиб ёмон ўйин кўрсатганимиз йўқ. Шунчаки, бизга омад кулиб боқмади.

Эроннинг "Тракторсози" жамоаси мураббийимизнинг хизматларига жиддий қизиқиб қолган. Ёдингизда бўлса, биз гуруҳ босқичида айнан ушбу рақибга қарши иккита ўйин ўтказиб, иккаласида ҳам ғалаба қозонганмиз. Ушбу учрашувларда Рўзиқул Бердиев мураббийлик маҳоратини кўрсата олган ва футболчилар ҳам асосан унинг кўрсатмалари асосида ўйин намойиш қилган. Табиийки, жамоамиз барчада илиқ таассурот қолдирган. Жамоамиз ўйинида мураббийининг имзоси яққол кўриниб турибди. Албатта, Бердиевга хориждан қизиқиш бўлаётгани қувонарли. Бироқ у ўзимизга ҳам керак. Рўзиқул билан ҳали қиладиган ишларимиз кўп. Шунинг учун уни қўйиб юбориш ниятида эмасмиз", — дейди клуб спорт директори.

Эслатиб ўтамиз, 17 октябрь куни Рўзиқул Бердиев мураббийлигидаги "Насаф" Ўзбекистон Кубоги учун "Бунёдкор" жамоасига қарши финал баҳсида ғалаба қозониб, ўз тарихида илк марта Ўзбекистон Кубоги совринини қўлга киритганди.

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 / 21.08.2017 20624 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 49600 Жамият
Келажак мевалари: фарғоналик бемор онанинг икки нафар норасида фарзандига ёрдам қўлини чўзайлик
23:59 / 21.08.2017 3081 Жамият
Барселоналик террорчини йўқ қилишда синчков аёл ёрдам берди
23:57 / 21.08.2017 1714 Жаҳон
Шимолий Кореяга қочиб кетган охирги америкалик ҳарбий вафот этди
23:34 / 21.08.2017 3495 Жаҳон
Хитой хорижий инвестицияларга чеклов жорий қилди
23:08 / 21.08.2017 2052 Жаҳон
Дайжест: Самарқандда ҳокимлар алмашинуви, гўшт импорти учун имтиёз, Асакадаги заводда танаффус ва куннинг бошқа хабарлари
22:59 / 21.08.2017 3145 Жаҳон
Қозоғистонда ўзбек автомобиллари ишлаб чиқарилиши кенгайтирилиши мумкин
22:48 / 21.08.2017 3290 Технология
Лотин алифбосидан кимлар қўрқади?
22:45 / 21.08.2017 4792 Жамият
Президент 2017 йилда ғўза дефолиациясини ўз вақтида ва самарали ўтказишга доир қарорни имзолади
22:37 / 21.08.2017 4390 Ўзбекистон
Кўпроқ янгиликлар