Сурия президенти Башар Асад Россия парламенти вакилларидан иборат делегация билан учрашуви вақтида Россия Ҳарбий-коинот кучлари самолётларининг самарали фаолияти тўғрисида гапириб ўтган. Бу ҳақда ТАСС нашрига Россия делегацияси аъзоларидан бири, депутат Дмитрий Саблин маълум қилган.

Унинг сўзларига кўра, Асад Россия авиациясининг терроризмга қарши курашдаги хизматларини эътироф этган ва Сурия халқи ҳам, америкаликлар ҳам Россия самолётларининг бу қадар самарали ишлашини кутмаганди.

Бундан олдинроқ, Башар Асад Сурия Россиянинг Украина муаммоси бўйича тутган ўрнини тўла қўллаб-қувватлашини билдириб ўтганди.