Сурия президенти Башар Асад мамлакат аҳолисининг қўллаб-қувватлаши эвазига президентлик сайловида иштирок этишга тайёр. Бу ҳақда РИА Новости нашрига Россия Давлат думаси депутати Александр Юшенко маълум қилган.

У Россия делегацияси таркибида Дамашқда Асад билан учрашувда қатнашиб қайтганидан кейин шу ҳақда интервью берган.

Россия делегацияси Дмитрий Саблин бошчилигида Дамашққа инсонпарварлик миссиясини амалга ошириб қайтди. Бу делегация маҳаллий депутатлар билан Суриядаги тинчликка эришиш борасида ҳамкорлик қилиш бўйича учрашувлар ўтказган.

Бундан олдинроқ, Россия ТИВ раҳбари Сергей Лавров Сурияда президентлик ва парламент учун сайловлар ўтказилиши кераклиги ҳақида айтиб ўтганди.