Австралиянинг Сидней шаҳри яқинидаги хиёбонда ўрнатилган чархпалакдан ўсмир ёшидаги 3 нафар қиз қулаб тушиб, жароҳатланди.

9news телеканали хабарига кўра, бу ҳодиса 24 октябрь куни маҳаллий вақт билан соат 17:10да (Тошкент вақти билан соат 8:00да) содир бўлган.

Дастлабки маълумотларга кўра, чархпалак бўлмаларидан бири қаттиқ чайқалиб кетиши туфайли қизлар ерга тушиб кетишган.

Тез тиббий ёрдам вакилининг маълум қилишича, ҳодиса туфайли жабрланганлардан бирининг аҳволи ўта оғир, унинг тос суяги ва қўллари синган. Яна икки жабрланувчининг эса қўллари ва қовурғалари шикастланган. Воқеа жойида биринчи ёрдам кўрсатилгани учун уларнинг аҳволи барқарорлашган.