Лондон марказидаги фотостудиялардан бирида селфи тушиш бўйича жаҳон чемпионати ўтказилди. Бу ҳақда The Independent нашри хабар тарқатган.

Ушбу чемпионатнинг мукофот жамғармаси 1000 еврони ташкил қилди. Бундан ташқари ғолибларга олтин суви юритилган селфи-таёқчаси берилган.

Ўзига хос бу турнирда "Лабларни чўччайтириш", "Ойна", "Машҳурлар билан", "Акула оғзида" каби тоифалар бўйича ғолиблар аниқланишган.

Шунингдек, «Карен Дзанчук» тоифаси (ўзини мамлакат қироличаси сифатида тутган ҳолда селфи қилиш) бўйича ҳам ғолиб аниқланган.

Ушбу чемпионатда Кэти Грант фаол иштирок этди. У инстаграмда ҳам машҳур ҳисобланади.