ОАВ: Япония Ҳиндистонга тезюрар темир йўл қуриш учун 15 млрд долларлик кредит таклиф қилди

Жаҳон 25 Октябрь 2015 1587

Япония Ҳиндистонга унинг компаниялари томонидан Мумбай (Махараштра штати) ва Аҳмадобод (Гужорат штати) шаҳарлари орасида Ҳиндистондаги биринчи тезюрар темир йўл қуриш учун 15 млрд долларлик кредит ажратишни таклиф қилди. Бу ҳақда “Ҳиндистон темир йўллари” давлат компанияси бошқарувчи директори А.К.Миттал журналистларга маълум қилди.

“Бир нечта япон компаниялари темир йўл қурилиши соҳасида бизга технологияларни беришни таклиф қилишмоқда. Бироқ биз ҳозирча технология ва молиялаштириш борасида фақат биттагина таклиф олдик”, деб Митталнинг айтган сўзларини келтирмоқда Economic Times нашри.

Кредит 1 фоизлик имтиёзли ставка бўйича таклиф қилинмоқда. Агар Ҳиндистон таклифни қабул қилса, унда у темир йўл учун 30 фоиздан кўпроқ ускуна, вагон ва локомотивларни япон компанияларидан сотиб олиши керак бўлади.

Ҳозирча Ҳиндистон тендер ўтказиш орқали темир йўлни ким қуришини танламоқда ва унинг натижаларини яқин орада эълон қилади. Тезюрар поездда икки шаҳар орасидаги 500 км дан зиёдроқ масофани босиб ўтиш вақти 7 соатдан 2 соатгача қисқаради.

Аввалроқ Хитой Нью-Деҳлидан Мумбайга (1,2 минг км) қуриладиган тезюрар темир йўл лойиҳасининг техник-иқтисодий асосланиши устидаги ишларни якунлаган эди. Ҳозирча Пекин томонидан бу лойиҳанинг амалга оширилиши учун кредит тақдим қилиниши ҳақида гап очилмаган.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 31762 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 17659 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 68697 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 58220 Жамият
Комилов Ҳиндистон вице-президенти билан музокарада. Икки давлат ўртасида товар айирбошлаш ҳажми оширилади
Журналист ЎФФ матбуот хизматини ёлғончиликда айблади
12:20 2823 Спорт
Тошкентдаги Mobicon 2017’да Google, Яндекс, Одноклассники ва UFOX вакиллари чиқиш қилади
Электр энергиясининг намунали истеъмолчилари рағбатлантирилади
Трамп АҚШ ҳукуматини ёпиш билан таҳдид қилди
10:50 9053 Жаҳон
Самарқанд вилоятида 6 миллион доллар қийматидаги трансформаторлар ишга туширилди
Кўпроқ янгиликлар