Ўзбекистон президенти Ислом Каримов ва Япония бош вазири Синдзо Абэ ўртасида бўлиб ўтган икки томонлама ҳамкорлик масалалари доирасида ўзбек-япон ёшлар инновация марказини ташкил этиш борасига ҳам эътибор қаратилди.

Маълумотларга кўра, икки мамлакат ўртасида ўзбек-япон ёшлар инновация марказини ташкил этиш борасида Меморандум имзоланган. Марказ Тошкент давлат техника университети қошида Япония олий ўқув юртлари Нагоя ва Цукуба ҳамкорлигида ташкил этилади.

Марказнинг келажакда техника ва инновация соҳасидаги иқтидорли, ихтирочи ва интилувчан ёшларни ўз бағрига жамлаши ҳамда уларни шу соҳадаги ижодий ишларини қўллаб-қувватлаши кутилмоқда.