24 октябрда Ўзбекистон Ташқи иқтисодий алоқалар, инвестициялар ва савдо вазирлигида Япония ташқи савдони ривожлантириш ташкилоти – “ЖЕТРО”раиси Хироюки Ишигэ билан музокаралар ўтказилди.

Учрашув давомида икки давлат ўртасидаги ўзаро манфаатли савдо-иқтисодий, инвестицион ва инновацион-технологик ҳамкорликни янада кенгайтириш масалалари муҳокама қилинди.

Хироюки Ишигэ япон бизнесининг ўзбекистонлик ҳамкорлар билан узоқ муддатли алоқаларни ривожлантиришга қизиқиш билдираётганини таъкидлаб ўтди. Ишигэнинг айтишича, бундан Тошкентга Япониянинг етакчи корпорация ва компанияларининг (“Мицубиси”, “Мицуи”, “Исузу”, “Иточу”, “Жогмек”, “Марубени”, “Шимидзу”, “Сумитомо”, “Сожиц”, “Тойота Цусе” ва бошқалар) 200 дан ортиқ раҳбарлари ва вакилларининг Япония бош вазири Шиндзо Абэнинг Ўзбекистонга ташрифи доирасида 25 октябрда ташкил этилган қўшма бизнес-анжуманида иштирок этиш учун келгани дарак беради.

Учрашув натижаларига кўра япон компанияларининг илғор тажрибаси ва замонавий технологик ечимларини жалб қилган ҳолда Ўзбекистон иқтисодиётининг турли тармоқларида ҳамкорликнинг истиқболли лойиҳаларини амалга ошириш бўйича фаол ҳамкорликни давом эттиришга эришилди.