Эркин кураш бўйича 2015 йилги ёшлар ўртасидаги жаҳон чемпионатининг кумуш медаль соҳиби Ҳасанбой Раҳимов Россиянинг Красноярск шаҳрида россиялик курашчи, Олимпия ўйинлари ғолиби Бувайсар Сайтиев мукофотлари учун ўтказилган ёшлар ўртасидаги халқаро мусобақа ғолиби бўлди. 

Мусобақанинг 120 кггача вазн тоифасидаги финалида Ўзбекистон вакили россиялик курашчи Олег Балаевга қарши гиламга тушди.

Ҳамюртимиз учрашувни муддатидан аввал 1-бўлимнинг ўзидаёқ ўз фойдасига якунлашга муваффақ бўлди.

Бувайсар Сайтиев Россияда хизмат кўрсатган спорт устаси, уч карра Олимпия ўйинлари ғолиби ҳисобланади. Унинг раҳнамолигида ўтказиладиган мусобақа Бирлашган кураш дунёси (UWW) номи остида ўтказиладиган мусобақалар расмий жадвалига киритилган.