Россия ва Украина ўртасида авиаалоқа тўхтатилиши олдидан Киевдаги Борисполь аэропортидан Москва вақти билан соат 20.40 да Москвага охирги рейс амалга оширилди, деб хабар бермоқда РИА “Новости” ахборот агентлиги.

Қайд этилишича, Киевдаги Жулян аэропортидан Россияга охирги рейс Москва вақти билан соат 17.25 да амалга оширилган.

Иккала аэропортнинг 25 октябрга мўлжалланган жадвалида Россияга ва ундан бирорта рейс йўқ.

Аввалроқ Украина 25 октябрдан Россия билан парвозларни тўлиқ тўхтатишини эълон қилганди.

Россия жавоб тариқасида Украина авиакомпанияларига худди шундай акс чораларни қўллаган.

Украина ва Россия вакиллари парвозлар масалалари бўйича ҳали ҳам маслаҳатлашмоқдалар, унгача Киевнинг қарори ўз кучида қолади.