Қочқинлар муаммоси футбол бўйича Словения чемпионатига таъсир кўрсатди.

MMC RTV Slovenija нашри хабарига кўра, 24 октябрь кунига белгиланган «Олимпия» ва «Марибор» жамоалари баҳси айнан мамлакатга қочқинлар оқими ортиши туфайли ўтказилмай қолди.

Хабарда айтилишича, бу учрашув ўтказиладиган ўйингоҳда тартибни сақлаш учун 143 нафар полициячи ажратилган. Бу эса белгиланган меъёрдагидан анча кам бўлган.

Полициячиларнинг аксар қисми қочқинлар муаммоси билан банд бўлгани учун ҳуқуқ-тартибор органларида ходимлар етишмаслиги кузатилмоқда.
Шу тариқа бу ўйин номаълум муддатга қолдирилган.