Адабиёт йўналишида 2015 йилги Нобель мукофоти совриндори Светлана Алексиевич «Говорит Москва» радиосига берган интервьюсида Беларусь президенти Александр Лукашенко томонидан ўзига нисбатан айтилган танқидий фикрларга муносабатини билдириб ўтди.

"Лукашенко мени табриклаганида жуда хурсанд бўлгандим. У сиёсатчи. Лекин энди бундай тескари гаплар", дейди ёзувчи.

Унинг фикрича, ўшанда Лукашенко мамлакатдаги президентлик сайлови арафаси бўлгани учун, халқаро кузатувчилар ва сайловчилар олдида ўзини кўрсатиш мақсадида ёзувчини табриклаган.

"Энди эса бу жараён ўтиб, у ўзини эркин ҳис қила бошлади", дейди ёзувчи.

У ўзи ҳеч қачон беларусь халқини танқид қилмаганини, фақат президентнинг сиёсий қарорларидан норози бўлганини таъкидлаб ўтган.

Бироз олдинроқ, Беларусь президенти Александр Лукашенко хориждаги ватандошлари, шу жумладан Нобель мукофотлари совриндори Алексиевич Беларусдаги ҳокимиятни танқид қилаётганларидан норози бўлаётгани ҳақида хабар қилинганди.