"Астон Вилла” клуби раҳбарияти бош мураббий Тим Шервудни ўз лавозимидан озод этди.

Вақтинчалик жамоа бошқарувини Кевин Макдоналд ўз қўлига олган.

Аввалги мураббийлар штаби аъзоларидан фақат Тони Паркс клубда қолди.

Рэй Уилкинс, Марк Робсон ва Шеймус Брэйди Шервуд билан биргаликда Биргенгемни тарк этишди.

Маълумот учун, жорий мавсумда “Астон Вилла” чемпионатнинг 10та ўйинида 1та ғалабага эришди ва айни пайтда турнир жадвалининг энг қуйи ўрнида жойлашган.

Қайд этиш керак, бу АПЛнинг 10 тури ичида учинчи марта жамоалардан бош мураббий истеъфога чиқарилиши бўлди. 7-тур ўйинларидан кейин "Ливерпуль" Брендан Рожерсни, "Сандерленд" эса Дик Адвокатни ишдан бўшатганди.