Volkswagen двигателларининг бош муҳандиси ўз лавозимидан кетди

Технология 25 Октябрь 2015 1390

Volkswagen автомобилсозлик концернининг топ-менжерларидан бири Ханно Йелден чиқинди газлар кўрсаткичлари билан боғлиқ фирибгарлик можаросидан кейин ўз лавозимини тарк этган яна бир юқори лавозимли ходим бўлди. Бу ҳақда Bild am Sonntag нашри маълум қилди.

Ханно Йелден компанияда двигателлар яратиш департаменти раҳбари бўлиб ишлаган. Брауншвейг шаҳри прокуратураси унинг компаниядаги фаолиятини фирибгарлик эҳтимолига текширмоқда.

Компания ичидаги терговнинг кўрсатишича, Йелден зарарли чиқиндилар кўрсаткичларини пасайтириб кўрсатишга имкон берувчи дастурий таъминотнинг ўрнатилишига бевосита алоқадор бўлган.

Volkswagen атрофидаги можаро АҚШ Атроф-муҳитни муҳофаза қилиш агентлиги сентябрда концернни дизель двигателли автомобилларга АҚШдаги қатъий экологик талабларни четлаб ўтишга имкон берувчи дастурий таъминотни ўрнатганини фош қилгандан кейин авж олиб кетди. Дастур двигатель синов стендида текширилганда максимал даражадаги экологик иш режимини ишга туширган ва оддий ҳолатларда уни ўчириб қўйган. Дастур синов пайтида атроф-муҳитга чиқариладиган зарарли чиқиндилар миқдорини ўнлаб марта камроқ кўрсатишга имкон берган.

Ушбу воқеа шов-шувга айланиб кетиб, компания раҳбари Мартин Винтеркорннинг истеъфога чиқишига олиб келган. АҚШ ҳукумати компанияга 2009-2015 йилларда мамлакатда сотилган Volkswagen ва Audi русумидаги деярли 500 мингта автомобилни ортга чақиртириб олиш мажбуриятини қўйган ва компанияга 18 млрд долларлик жарима солиш билан таҳдид қилган. Германия ҳукумати ҳам компанияга шу каби талабларни ва 2,4 млн та машинани ортга қайтариб олиш мажбуриятини қўйган.

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 5825 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 6747 Жамият
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 / 21.08.2017 21798 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 50389 Жамият
Индонезиялик хакерлар байроқ можаросидан сўнг Малайзиянинг қарийб 30 та сайтини бузиб киришди
08:30 82 Жаҳон
АҚШ Сурия ҳукуматига кимёвий қурол қўлланилиши юзасидан махсус баёнот билан чиқди
08:24 303 Жаҳон
Ироқ ИШИДдан икки ойдан сўнг бутунлай озод этилиши айтилди
08:20 191 Жаҳон
АҚШда қуёш тутилишини томоша қилаётганларни автомобиль босиб кетди
08:06 1092 Жамият
Кобулнинг дипломатик туманида ракета портлади
07:55 347 Жаҳон
АҚШ эсминецининг савдо кемаси билан тўқнашувига сабаб сифатида кибераралашув ҳам кўриб чиқилади  
07:47 260 Жаҳон
Кўпроқ янгиликлар