Аварияга учраган “Фукусима-1” АЭСда океанни зарарланган ерости сувларидан ажратувчи пўлат деворлар қурилиши якунланди. Бу ҳақда станциянинг оператори бўлмиш Tokyo Electric Power энергетик корпорацияси хабар берди.

Девор қирғоқ чизиғи бўйлаб барпо этилган бўлиб, 780 м узунликка ва 30 м чуқурликка эга. Деворларни қуриш 2012 йили бошланган бўлиб, бугун охирги ишлар амалга оширилди.
Тахмин қилинишича, бу тўсиқ зарарланган ва радиацияга учраган ерости сувларининг океанга оқиб кетиш ҳажмини кунига 400 тоннадан 10 тоннага туширади. Девор ортида тўпланиб қоладиган сувлар радиациядан тозаланиб, кейин океанга чиқариб юборилади.