Майкл Фассбендер бош ролни ижро этган “Стив Жобс” фильми катта экранларга чиққанидан сўнг дастлабки дам олиш кунлари 7.3 млн доллар касса қилди, деб хабар беради Variety нашри. 23 октябрдан намойиши бошланган картина 2 минг кинотеатрда кўрсатилганига қарамай, амалда муваффақиятсизликка учради.

Октябрь бошидаги чекланган прокатда фильм муваффақиятли намойиш этилган эди, шу боис биринчи уик-эндда у 20 млн доллар тўплаши мумкинлиги айтилаётган эди. Натижада у Эштон Катчер бош ролни ижро этган “Жобс: ҳавас салтанати” фильмидан бироз яхшироқ кўрсаткич қайд қилди. Икки йил муқаддам у картина биринчи уик-эндда 6.7 млн доллар тўплаган эди.