Россия Транспорт вазирлиги Ҳаво транспорти агентлиги (Росавиация) томонидан сертификати бекор қилингани сабабли “Трансаэро” авиакомпанияси 2015 йилнинг 25 октябридан ўзининг операцион фаолиятини тўхтатди.

Ташувчининг операцион бошқарувини зиммасига олган “Аэрофлот” ёки бошқа авиакомпаниялар “Трансаэро” йўловчиларини 15 декабрга қадар ўз манзилларига элтиш билан шуғулланади. Ундан кейинги муддатлар учун харид қилинган авиачипталар пуллари эгаларига қайтарилади.

“Айни вақтда “Трансаэро” томонидан 1,925 млн дона авиачипта сотилган бўлиб, шу пайтгача 1,825 киши “Аэрофлот” самолётларида ташилди. Бу эса муомалага чиқарилган чипталарнинг 95 фоизи демакдир.

15 декабрга қадар “Трансаэро” авиакомпанияси рейсларига чипталарни олдиндан харид қилган яна 100 241 нафар йўловчини манзилига етказиш қолди”, - дейилади “Аэрофлот” матбуот хизмати хабарида.
“Компания авиапарки билан мазкур ҳаво кемалари эгалари ҳисобланган лизинг компаниялари шуғулланади”, - дея хабар берди ТАСС “Трансаэро” матбуот хизмати маълумотига асосланган ҳолда.