Афғонистон президенти Ашраф Ғани Аҳмадзай Москвага мурожаат қилиб, уларга артиллерия, ўқотар қурол ва Ми-35 вертолётларини етказиб беришни сўради.

Бу ҳақда The Wall Street Journal нашри хабар бермоқда. Айтилишича, расмий Кобул АҚШ ва унинг иттифоқчилари қўшинларининг асосий қисмини мамлакатдан олиб чиқиб кетиши муносабати билан Россияга мурожаат этишга мажбур бўлмоқда.

2010-2011 йилларда хорижлик ҳарбий хизматчилар миқдори 100 минг кишини ташкил қилган бўлса, эндиликда Афғонистонда уларнинг миқдори 10 минг киши бўлиб қолмоқда.

Шунингдек, расмий Вашингтон кўрсатаётган молиявий ёрдамнинг сезиларли даражада кесилгани ҳам Афғонистонга ўзини муваффақият билан ҳимоя қилишга тўсиқ бўлмоқда.