Америкалик миллиардер ва инвестор Карл Айкан ўзининг “сиёсий ҳаракат суперқўмитаси”ни ишга туширишини маълум қилди. Бу ҳақда The Street нашри ёзмоқда.

Гуруҳ АҚШ солиқ тизимини “капитал таъмир”дан ўтказиш йўлида ҳаракат қилади. Бундан кўзланган асосий мақсад йирик корпорациялар штаб-квартираларини мамлакатдан ташқарига олиб чиқиб кетмаслигига эришишдир.

Айтилишича, биринчи навбатда Apple корпорациясининг асосий капитали АҚШга қайтарилади.

Moody's ҳисоб-китобларига қараганда, 2014 йил 31 декабридаги ҳолатга кўра Apple’нинг мамлакат ташқарисидаги активлари 158 млрд долларга баҳоланиб, умумий капиталининг 89 фоизини ташкил қилади. Бугунги кунда бу кўрсаткчик 200 млрд долларга етган бўлиши мумкин.