Лондоннинг "Арсенал" жамоасининг Инстаграм ижтимоий тармоғидаги саҳифасига обуначилар сони 4 млн нафарга етгани муносабати билан жамоанинг собиқ футболчиси Андрей Аршавиннинг сурати жойлаштирилди.

Бу сурат 2009 йилнинг апрелида "Ливерпуль"га қарши баҳсига оид бўлиб, унда Аршавин тўртта гол урган ва тўртинчи голини камералар олдига келиб, 4та бармоғини кўрсатган ҳолда нишонлаганди.

Маълумот учун, Аршавин "Арсенал"да 2009 йилдан 2013 йилгача фаолият кўрсатган бўлиб, 144та учрашувда 31та голга муаллифлик қилганди.