Лондоннинг «Челси» клуби раҳбарияти пойтахтнинг бошқа бир жамоаси «Вест Ҳэм»дан учралган мағлубиятдан сўнг (1:2) Жозе Моуриньони истеъфога чиқариш масаласини кўриб чиқмоқда, дея хабар беради Daily Mail.

Манбанинг маълум қилишича, португалиялик мутахассис жорий ҳафтанинг ўзидаёқ истеъфога чиқарилиши мумкин. Асосан бу лондонликларнинг «Ливерпуль»га қарши учрашувда қандай натижа қайд этишига боғлиқ.

Хабарда қайд қилинишича, «Челси» унинг ўрнига Карло Анчелоттини яна жамоа бошқарувига қайтариши мумкин. Шунингдек, Гуус Хиддинк мавсум охирига қадар жамоани бошқариб бориши мумкин бўлган мураббий сифатида тилга олинмоқда.

Эслатиб ўтамиз, олдинроқ «Челси» Моуриньо ўрнига Хосеп Гвардиолани таклиф қилиши мумкинлиги ҳақида хабарлар тарқатилганди.