Россия терма жамоаси ва ЦСКА дарвозабони ҳисобланмиш Игорь Акинфеев собиқ футболчи, ўз вақтида "Спартак" ва СССР терма жамоаларида мувафақиятли фаолият олиб борган дарвозабон Ринат Дасаевнинг "қуруқ ўйинлар" ўтказиш бўйича натижасини такрорлади ва "Лев Яшин клуби"да етакчилардан бирга айланди.

Акинфеев Россия чемпионатининг 13-тури доирасида "Терек"ка қарши ўтказилган ўйинда дарвозаси дахлсизлигини сақлаб қолди (0:0) ва ўзининг "қуруқ ўйинлари" сонини 229тага етказди.

Ушбу дарвозабон Россия чемпионатида 142та (324тадан), Россия терма жамоасида эса 41та (83тадан) "қуруқ ўйин" ўтказган.

Қайд этиш керакки ЦСКА унинг фаолиятидаги ягона жамоа ҳисобланади. У 2003 йилда жамоадаги дебютини ўтказганди.