Испания примераси, 9-тур: Суарес хет-триги “Барселона”га “Эйбар” устидан иродали ғалабани таъминлади

Спорт 26 Октябрь 2015 2733

25 октябрда Испания примерасининг 9-турида “Барселона” ўз майдонида “Эйбар” устидан 3:1 ҳисобида ғалабага эришди.

Учрашувнинг 10-дақиқасида Борха Гонсалес меҳмонларни ҳисобда олдинга олиб чиқди. 1-бўлимнинг ўрталарида Луис Суарес ҳисобни тенглаштирди. Суарес 48-дақиқада ва ўйиннинг асосий вақти тугашига 5 дақиқа қолганда яна биттадан тўп киритиб, хет-трикка эришди. Ҳисоб 2:1 бўлиб турган пайтда “Барса” футболчиси Хавьер Маскерано майдондан четлатилди.

Учрашувнинг яна бир эьтиборли жиҳати шундаки, Суарес ўтган йилнинг айнан шу куни “Барса” таркибида илк бор Примера доирасида “Реал”га қарши учрашувда майдонга тушганди. Учрашув “Реал” майдонида бўлиб ўтган ва 3:1 ҳисобида мадридликлар фойдасига якунланган эди. Суарес ушбу учрашувда ўз ҳисобига Неймарга оширган голли узатмани ёзиб қўйган.

Суарес ўтган бир йил давомида янги клуби сафида Испания чемпиони, Испания кубоги соҳиби, Чемпионлар Лигаси чемпиони, УЕФА суперкубоги соҳиби каби унвонларни қўлга киритди.

Айни пайтда “Барселона” Примерада 2-ўринда кетмоқда, унинг ҳисобида 21 очко бор. 13 очко тўплаган “Эйбар” эса 7-ўринни эгалламоқда.

Испания Примераси. 9-тур
Барселона– Эйбар – 3:1
Голлар: Гонсалес, 10 (0:1); Суарес, 21 (1:1); Суарес, 48 (2:1); Суарес, 85 (3:1).
Четлатиш: Маскерано, 83 (Барселона).

Ушбу куни ўйналган қолган учрашувлар қуйидагича ҳисоб билан якунланди:

Леванте – Реал Сосьедад – 0:4
Голлар: Вела, 8 (0:1); Агирече, 35 (0:2); Ильяраменди, 82 (0:3); Вела, 84 (0:4).
Четлатиш: Дейверсон Брум, 90 (Леванте).

Лас-Пальмас – Вильярреал – 0:0

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 / 17.08.2017 57732 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 33364 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 41103 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 5049 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 16859 Ўзбекистон
16 август куни Тошкентда юз берган йўл-транспорт ҳодисалари
11:50 3419 Жамият
Шавкат Мирзиёев Бекободга ташриф буюрди
Қўшимча-контракт асосида ўқишни истайдиганлар нима қилиши керак?
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 1086 Жамият
ОАВ: Россияда пластик пуллар пайдо бўлади
Кўпроқ янгиликлар